FSHF njofton: ‘Luajmë pa tifozë’

Në një njoftim të fundit Federata Shqiptare e Futbollit, ka njoftuar se pavarësisht situatës ‘Koronavirus’, java e 27-të e Kategorisë Superiore, do të luhet sipas programit.

Ndryshimi i vetëm, lidhet me faktin se e gjithë java, do luhet pa tifozë në shkallë. Së paku deri në datën 3 prill.

Njoftimi:

“Komiteti i Emergjencës në Federatën Shqiptare të Futbollit pas mbledhjes së jashtëzakonshme të zhvilluar ditën e sotme dhe komunikimeve zyrtare me Këshillin e Ministrave ka vendosur të njoftojë klubet se aktiviteti futbollistik në Shqipëri do të vijojë sipas kalendarit zyrtar të parashikuar nga Sektori  i Garave, por ndeshjet do të zhvillohen me dyer të mbyllura.

Kjo masë është marrë pas vendimit të djeshëm të Ministrisë së Shëndetësisë dhe Mbrojtjes Sociale, si dhe në respekt të ruajtjes së shëndetit publik të sportdashëve dhe të gjithë personave të përfshirë në garën futbollistike në vend.

Federata Shqiptare e Futbollit kërkon mirëkuptimin e të gjithë palëve, si një vlerësim objektiv për situatën në të cilën ndodhet vendi.”