Kukeli ndjek i ‘vetëm’ Tirana-Laçi
Në ‘Air Albania Stadium’ në takimin Tirana-Laçi (1-0), gjatë pjesës së parë në shkallë, u pa edhe ish-futbollisti i Kombëtares së Shqipërisë, Burim Kukeli.
Mesfushori shkatërrues në kohën e De Biazit, një ndër pikat më të forta të atij grupi që luajti në fazë finale në ‘Euro 2016’ në Francë, shfrytëzoi vizitën në Tiranë për të ndjekur nga tribuna takimin e mbrëmjes.
Në pushim, futbollisti në forcë të Kriens në Zvicër, tha se pa një pjesë të parë të mirë por nuk preferoi të komentojë në detaje.
36 vjeçari nga Gjakova, nuk u pa për asnjë moment i shoqëruar me pjesëtar të FSHF-së.