Shkarkohet Duro, Kukësi njofton…
Barazimi i sotëm me Teutën (2-2) pas asaj humbjeje javën e kaluar me Tiranën, i kushtojnë Shpëtim Duros vendin e punës. Kukësi është larguar nga kreu dhe presidenca nuk ka pritur gjatë teksa ka hedhur mbi tavolinë shkarkimin e 60 vjeçarit.
Njoftimi i klubit:
“Shpëtim Duro nuk do të jetë më trajner i Kukësit. Klubi ka vendosur të shkarkojë teknikun për shkak të mungesës së rezultateve.
Fillimi jo i mirë i fazës së tretë dhe sidomos ndeshjet ndaj Bylisit, Tiranës dhe së fundmi ndaj Teutës, ka bërë që Duro të shkarkohet!
Pas 24 javësh kampionat, Kukësi renditet në vendin e dytë me 4 pikë larg kreut! Klubi falënderon Duron për gjithçka ka bërë te Kukësi dhe i uron suksese në të ardhmen!“-njofton Klubi i Kukësit në zyrtare