Vllaznia pokër …moshave
Miqësore: Vllaznia- U-19 Vllaznia 4-0
Vllaznia jashtë çdo parashikimi pas 7 javëvë në Superiore, po udhëheq së bashku me Bylis me 12 pikë.
Në takimin e fundit luajtur në ‘Elbasan Arena’ me Kukësin, formacioni i Jonuz, arriti të fitojë 1-2. Ndërkaq për të patur nën kontroll lojtarët dhe gjëndjen e tyre, stafi teknik i kuqebluve, ka shfrytëzuar ditën e sotme për t’u testuar.
Në mungesë të skuadrave të Superiores apo të Kategorisë së Parë, Mirsad Jonuz, e ka vënë ekipin e tij përballë U-19 të Vllaznisë.
Testi ka folur totalisht për Vllazninë, teksa në fund, janë fiksuar shifrat 4-0. Që klubi dhe skuadra, janë në udhë të mbarë, e tregon edhe fakti që tre nga katër golat, mbajnë firmën e të huajve.
Takimi i radhës, për shkodranët është ai me Partizanin, ndeshje të cilën shkodranët do ta luajnë pas një jave në ‘Loro Boriçi’.