Ndalet Juve, Interi në krye
Interi i Milnaos, merr kreun e Serisë A. Në mbrëmje pas barazimit në mesditë të Juves në Firence 0-0 dhe fitores së Napolit 2-0 ndaj Sampdorias, ishte radha e zikaltërve të Antonio Kontes për të mbyllur ditën.
Një karton i kuq De Paul për Udinezen, duket se i ka mjaftuar Interit për të vendosur supermacinë në fushë ndaj skuadrës së Tudor.
Për të mundur Udinezen, ka menduar Sensi i cili në 44-tën, ka shënuar një gol të bukur me kokë. Megjithë orvatjet e skuadrës milaneze, gola të tjerë nuk pati.
Udineze me 10 futbollistë që prej minutës së 36-të, u komportua mirë në fushë dhe disa herë i’u afrua barazimit.
Pas këtij suksesi, Interi udhëheq Serinë A me pikë të plota 9. Nesër, 6 çiftet e tjera në garë për llogari të javës së tretë.