“Fortunë” largimesh te Devolli, 4 në një ditë
Skuadra Devolli e Bilishtit do të debutojë këtë sezon në Kategorinë e Parë. Skuadra, nën drejtimin e trajnerit durrsak Stavri Nica, prej disa ditësh ka nisur përgatitjet e saj për sezonin e ri.
Brenda këtij kuadri, duke ka nisur edhe riformatimi i skuadrës bilishtare, me synim për t’u forcuar dhe për të qenë sa më të përgatitur për përballimin e një gare më të forte.
Kësisoj, klubi i Devolli, nëpërmjet njoftimeve në faqen e tij në “Facebook”, bën me dije largimin e drejtorit sportive Nesti Binishi
“Klubi Sportiv Devolli dëshiron të informojë mbeshtetësit e tij se drejtori sportiv Nesti Binishi nuk do të jetë pjesë e projektit të klubit.Klubi i Devollit e falenderon për të gjithë punën e bërë në sezonin që sapo lamë pas. Gjithashtu i urojmë suksese në vazhdim”, shkruhet në njoftimin e parë të klubit, i cili ka edhe një njoftim të dytë.
Në të bëhet me dije edhe largimi nga skuadra bilishtare e portierit Daniel Lamellari, mbrojtësit Ledion Rrëzhda dhe mesfushorit Rudens Muçollari, që pasi i falenderon për kontributin e dhënë me fanelën e Devollit, u uron suksese në karrierën e tyre futbollistike.