Braziliani Kutinjo, një mundësi për Bayern…
Barcelona është duke e kërkuar me ngulm shitjen e Filipe Kutinjos. Skuadra katalanase është e zhgënjyer me formën që ka treguar anësori brazilian, ndonëse blerja e tij i ka kushtuar goxha “blaugranëve”. Ai është në treg.
Sipas asaj që raporton “Mundo Deportivo”, tani në skenë është ngjitur Bayern Mynih ka bërë kontaktet e para me përfaqësuesit e Kutinjos, për ta tërhequr në Bavari.
Largimet e Arjen Roben dhe Frank Riberi i kanë lënë të zbuluar krahët në “Allianz Arena”, boshllëk që bavarezët kërkojnë ta mbushin.
Dëmtimi i Leroj Sane, i ka detyruar drejtuesit e Bayernit të fokusohen te braziliani Filipe Kutinjo, që nuk përfshihet në planet e Valverdes, por që mund t’i bëjë punë Kovaç.
Pasi ka bërë të sajin kroatin Ivan Perisiç, të huazuar nga Interi, afrimi në radhët e bavarezëve, i brazilianit që preferon të luajë në krahun e majtë, do ta plotësonte më së miri skuadrën e Bayernit, para startit të Bundesligës në këtë fundjavë.
