Tirana, 5 golat i kthen në “zakon”…
Miqësore: Tirana-Tërbuni 5-0 (Dunga 14’, Hasani 28’, Ngo 67’, Daja 68’, 81’)
Pas kthimit nga Ohri, ndërsa ka fituar miqësoren e parë 5-1 ndaj ballshiotëve të Bylisit më 1 gusht, sot në “Selman Stërmasi” bardheblutë e Tiranës kanë fituar thellë edhe në të dytën ndaj pukjanëve të Tërbunit, skuadër që konkurron në Kategorinë e Parë.
Të besuarit e trajnerit Mema kanë shënuar 5 gola, të shpërndarë dy në fraksionin e parë dhe tre në të dytin, duke e dominuar tërësisht lojën.
Dunga në të 14-tën çeli serine e golave, që do të pasoheshin nga Hasani (28’), Ngo (67’) dhe mesfushori Daja (68’, 81’), që me dopiedën e tij do të fiksonte fitoren 5-0 për bardheblutë e Tiranës.
Formacioni i Tiranës në këtë takim ishte: Lika, Doka, Muça, Imami, Hoxhallari, Celhaka, Batha, Torasa, Hasani, Kale, Dunga. Trajner: Ardian Mema. (U aktivizuan: Qirko, Cikani, Ngo, Goxha, Daja, Ismajlgeci, Kobina).
