Testi: Laçi-Partizani, pa fitues…
● Miqësore në Laç: Laçi-Partizani 1-1 (Xhixha 48’/Çinari 63′)
Debuton për bardhezinjtë portieri Stazhilla, Xhixha e Çinari, goleadorët po ata…
Pasi janë njohur me kalendarin e ri që u hodh sot në FSHF, koinçidoi që Sulejman Starova dhe Franko Lerda, (ditur sfidën zyrtare), të testonin skuadrat e tyre në stadiumin ‘Laçi’.
Ata kishin zgjedhur të njëjtin modul loje, teksa me 3-5-2, i dhanë përparësi sulmit.
Pjesa e parë ishte më e mirë për vendasit, që me sulmuesit Nuabueze dhe Xhixha, shpërdoruan gola të sigurtë. Ashtu sikurse dhe të kuqtë që në një moment, goditën shtyllën me Romeron.
Pas 0-0 në të parën, e dyta nisi me gol. Është sulmuesi i dalluar Redon Xhixha që hap serinë në të 48’, duke e kaluar Laçin përpara. Por pa kaluar shumë kohë, shkodrani Çinari, dhe ky me mjaft rendiment te Partizani, ka barazuar pas harkimit të Trashit për një 1-1 final.
Në fund, të dy stafet komplimentuan të tyret për lojën e zhvilluar. Një test që jep sinjale të forta, se të dyja skuadrat do të jenë kockë e fortë për njëra tjetrën. Si Partizani kampion, ashtu dhe Laçi befasues në Europë, këtë edicion kanë si objektiv kreun.
KF Laçi: Stazhilla, Fangaj, Ignjatoviç, Gjoni, Domgjoni, Deliu, Lushkja, Zaimi, Teko, Xhixha, Nuabueze.
Trajner: Starova
Partizani: Hoxha, Belica, Bitri, Boldor, Romero, Telushi, Broja, Trashi, Kordeiro, Asani, Bardhi.
Trajner: Lerda