Armend Çajanin, blerja më e fundit e Kukësit
Klubi i nënkampion i Kukësit, ndërsa stërvitet në Mavrovë të Maqedonisë së Veriut, punon edhe për plotësimin e organikën së skuadrës. Kështu, verilindorët njoftojnë për arritjen e marrëveshjes me mesfushorin Armend Çajanin nga vendi fqinj. Kontrata është 2-vjeçare.
Ish-futbollisti i FC Shkupit, i cili së fundmi luajti me Genç Kalemler në Ligën e Dytë të Maqedonisë së Veriut, prej ditësh i është bashkuar skuadrës së Kukësit, që po përgatitjet për startin e sezonit të ri futbollistik.
Dhe ky sezon për kuksianët nis më shpejt se për të tjerët. Më 18 gusht, sipas planifikimit të FSHF-së, në stadiumin “Elbasan Arena” është parashikuar të zhvillohet Partizani-Kukësi, e vlefshme për Superkupën e Shqipërisë.