Xhampaolo i kënaqur: “Pashë ide loje”…
Të dielën, Milani u mund 1-0 ndaj Benfikës për turneun “Internacional Champions Cup”. Ishte humbja e dytë pas asaj me Bayern Mynih, pak ditë më pare. E megjithatë, trajneri i “kuqezinjve”, Marko Xhampaolo nuk është aspak i shqetësuar.
“Tani nuk ka rëndësi rezultati, mua më pëlqeu ekipi. Problemi i vërtetë do të ishte nëse ekipi nuk do të mundohej të ndërtonte”. Do të deklaronte trajneri i Milanit, i cili edhe do ta përgëzonte ekipin për ndeshjen ndaj Benfikës:
“Pashë një ide të lojës. Krahasuar me Bayernin, kemi bërë veprime shumë më mirë në fazën sulmuese dhe mbrojtëse. Shumë, shumë, shumë më mire. Ka gjëra që duhet korrigjuar, e di se ka shumë punë për t’u bërë dhe disa gjëra duhet të bëhen më mirë. Megjithatë, aspektet pozitive mbizotërojnë në këto 15 ditë punë”, ka deklaruar Xhampaolo.