Aleksi gjen “strehë” te Teuta, 2 sezone!
Mesfushori Albano Aleksi është përforcimi më i fundit i skuadrës së Teutës. 26-vjeçari i lindur në Fier, pas një përvoje te Butrinti, më 2015-tën u bashkua me gjirokastritët e Luftëtarit, ku edhe e përfundoi sezonin.
Aleksi, që edhe ka mbajtur shiritin e kapitenit te skuadra gjirokastrite, ishte ndër të parët lojtarë që drejtuesit e Luftëtarit e shpallën “non grata”, duke e pezulluar nga ekipi pas humbjes ndaj Tiranës në Kupën e Shqipërisë.
“Albano Aleksi nënshkruan kontratë për dy vite me klubin tonë. Teuta ka zyrtarizuar afrimin e katërt për këtë merkato. Klubi durrsak ka firmosur me Albano Aleksin, mesfushori 26-vjeçar. Më parë, Aleksi ka luajtur me ekipin e Luftëtarit”, njofton klubin e Teutës.
Pas qendërmbrojtësit Rustem Hoxha, mbrojtësit të djathtë maqedonas Bllagoje Todorovski, mbrojtësit të majtë të natyralizuar si grek Alexandros Kouros, tani skuadra e Teutës përforcohet edhe me mesfushorin Albano Aleksi.
