Goga Basket, kampionia e re e Shqipërisë…
● Goga Basket-Teuta 81-60. U desh takimi i pestë për të përcaktuar skuadrën më të re të basketit shqiptar, kampione të vendin.
Durrësi tashmë e konfirmuar veten, si kryeqyteti i baskebollit shqiptar. Paçka se titulli i kampiones rikthehet në këtë qytet pas 7 vitesh.
Dy skuadrat e këtij qytetit bregdetar dhe me tradita në lojën e koshit, Teuta “veterane” dhe skuadra e re Goga Basket e formuar vetëm një vit më parë, dueluan fort midis tyre për fitimin e titullit kampion të Shqipërisë.
U deshën të luheshin 5 finale për të përcaktuar fituesen, 5 ndeshje të luftuara plot rivalitet, por edhe me një nivel të kënaqshëm.
Pas rezultatit të barabartë, 2-2, sot pasdite në mjediset e Akademisë “Goga Basket”, u zhvillua finalja e pestë. Në shtëpinë e tyre, basketbollistët e Goga Basketit nuk falin.
Ata qysh në fillim krijuan epërsi, të cilët e menaxhuan mjaft mirë, veçsanërisht pas një loje mjaft të mire dhe të kujdesshme në mbrotje.
Pas periodës së katërt, tabela elektronike fiksoi shifrat 81-60 për Goga Basketin, e cila me rezultatin e përgjithshëm 3-2, u shpall edhe kampionia e Shqipërisë në basketboll për meshkuj për vitin 2019.
Ja dhe rezultatet teknike të pesë ndeshjeve fianle:
Finalja 1: Goga Basket – Teuta 84-88
Finalja 2: Teuta – Goga Basket 72-73
Finalja 3: Goga Basket – Teuta 79-70
Finalja 4: Teuta – Goga Basket 81-71
Finalja 5: Goga Basket – Teuta 81-60
