Salah do të mungojë ndaj Barcelonës…
Lajmi i trishtë është shpërndarë. Sulmuesi Mohamed Salah nuk do të jetë në fushë në radhët e “Reds”-ave të Liverpulit të marten në mbrëmje ndaj Barcelonës, në ndeshjen e kthimit gjysmëfinale të Champsions League.
Kështu njofton tabloidi spanjol “AS” në rrjetin e tijj on-line, duke iu referuar një deklerate të trajnerit gjerman Jurgen Klop të Liverpulit, në prag të takimit, që nesër do të jetë në fokusin e mbarë kontinentit.
Pas mungesës së sigurtë të brazilianit Roberto Firminio të dëmtuar prej kohësh, mos përfshirja e egjiptianit Mohamed Salah në ndeshjen ndaj Barclonës do të ishte një mangësi e jashtëzakonshme për “The Reds”, të cilët dhanë një spektakël në takimin e parë, paçka se Mesi me shokë, i ndëshkoi me humbjen e pamerituar 3-0.
Mesa duket, stafi mjekësor i Liverpulit nuk ka qenë në gjendje për ta rikuperuar fizikisht sulmuesin Mohamed Salah, pas përplasjes që ai pati me portierin kundërshtar në ndeshjen ndaj Njukasëllit, ndonëse shpresat ishin të madhe.
