Markez spektakolar, podiumi i gjithi spanjoll
● Në garën e sotme zhvilluar në Jerez (Spanjë), dominojnë vëndasit duke zënë tri vëndet e para. “Dovi” i katërti…
Kampioni tregon “dhëmbët” në shtëpi. Fjala është për pilotin spanjoll Mark Markez, i cili ka dominuar duke fituar një garë të gjithën spektakolare. Spanjolli, edhe pse startonte nga vendi i tretë, pas një starti marramendës, mori kryesimin prej xhiros së parë për ta përfunduar i pari.
Sakaq, podiumi ishte i tëri spanjoll. Rins vijon të ngjisë shkallë, ndërsa në vendin e tretë, u rendit spanjolli tjetër Vinjales. Me “flamurin” italian, u paraqit Doviciozo që në fund, u rendit në vënd të katërt.
Si gjithnjë në këto garat e para të Moto GP aktuale, Valentino Rosi, shkëlqeu duke u nisur nga vendi i 13-të, për ta mbyllur në vendin e 6-të.
Deluzion i madh për francezin Fabio Kurtararo (Jamaka). Piloti u tërhoq në mes të garës, duke sfumuar mundësinë e artë të podit. Ndërkaq, Markez mori kryesimin me 70 pikë. Pas tij Rins me 69 dhe “Dovi” me 67 pikë.