Botas, i pari në Kinë
Valteri Botas me Mercedes, do të niset i pari nesër në mëngjes në pistën e Shangait. Ky është verdikti pas provavë zyrtare të zhvilluara mëngjesin e sotëm në Kinë.
Me kohën 1’31″547, finlandezi mbrrin në polin e shtatë në karrierë. Në krah të tij, shoku i skuadrës anglezi Ljuis Hamilton.
Ferrari, edhe pse bëri shumë për të qënë kryesues në nisje, duhet të bëjë llogaritë nga vija e dytë. Si Fetel, ashtu dhe Leklerk, nisen pas Mercedesit. Mark Verstapen i pesti me Red Bull.
Ndërkaq, Sebastian Fetel, piloti numër një i kokëkuqes, duke folur pas provave zyrtare, tha se dy pilotët e Mercedes, janë shumë të shpejtë në kthesa dhe kjo situatë, iu ka dhënë atyre avantazhin në nisje.