Montela, trajneri i ri i Fiorentinës
Mungon vetëm zyrtarizimi, që me gjasa do të bëhet nesër, por është e sigurtë që Vinçenzo Montela do të jetë trajneri i ri Fiorentinës. Kontrata do të jetë për një vit e tre muaj, me opsion edhe një vit tjetër, deri në fund të 2021-it.
Pas dorëheqjes së Stefano Piolit, drejtuesit e klubit fiorentin nuk janë lodhur shumë për të gjetur zëvendësuesin. Për 44-vjeçarin Montela, ky do të jetë një rikthim, pasi më herët, ai e ka drejtuar për tri vite Fiorentinën.
Madje, nga klubi “vjolë” tekniku roman u katapultua drejt stolit të Milanit apo Sevijas në Spanjë, ku puna e tij nuk ka patur shkëlqim.
