Luftëtari, thyen Teutën
Java e 23-të e superiores, pas ndeshjës hapëse mes Skënderbeut dhe Tiranës, vijoi sot me duelin e gjirokastrës teksa Luftëtari vëndas, u përball me skuadrën më në formë të momentit-Teutën e durrësit. Nën sytë e shumë tifozeve vëndas, Julian Ahmataj, me të besuarit e tij, dhuruan një takim dinjitoz dhe falë ideve kreative të teknikut elbasanas, formacioni bluzi, ia doli të marrë fitoren e dëshiruar.
Minutat e takimit të mesditës, prodhuan lojë të kujdesshme të vëndasëve, të cilët kaluan përpara me një gol spektakolar të Donald Rapos. Por kur Teuta u kthye në lojë, dhe ushtroi presion përpara portës së Luftëtarit, një tjetër “hero” rrëmben skenën. Ishte portieri Shkëlzen Ruçi I cili me penalltinë e pritur ndaj Prognit, u kthye në lojtarin e ndeshjes, duke mbajtur fort avantazhin e Rapos.
Me këtë fitore, skuadra e Ahmatajit, iu largua ndjeshem zonës së ftohtë duke ua lënë vëndet që të dërgojnë një kategori më poshtë, pikërisht Kastriotit dhe Kamzës. Të dyja këto ekipe, kanë një ndeshje më pak. Luajnë nesër në mesditë, ndërsa do të përballen respektivisht ndaj dy skuadrave që mbajnë vëndet lart në tabelë- Laçit dhe Kukësit