Flamurtari kërkon kreun, Apolonia për t’i ikur fundit

Sot në orën 14:00 do të zhvillohen dy takimet e fundit të javës së 8-të në Kategori të Parë. Në Vlorë, Flamurtari vendas përballet me Pogradecin ndërsa pak kilomentra më tej Apolonia takohet me Burrelin.

Zhvillimet e javës dje ndërsa Besa u ndal në Shijak nga Erzeni 0-0, kanë bërë që Flamurtari të ketë mundësinë eventuale për të parakaluar verdhezinjtë e të bashkohet me Vorën në krye.

Nga ana tjetër pogradecarët të pozicionuar në mes të rënditjes, pritet të luajnë shanset e tyre ndaj pretendentit kryesor për t’u ngjitur edicionin e ardhëshëm në Superiore.

Ndërkaq Apolonia e cila së fundi drejtohet nga trajneri Sedat Pajaziti po vuan momentin e keq të këtyre javëve. Bardhjeshilët në 7 javë kanë koleksionaur vetëm 5 pikë, çka do të thotë, se takimi me matjanët kthehet në betejë të fortë pikësh.

Sikundër dhe Burreli i Bicajt. Në javën e parë Burreli fitoi në Vlorë duke dëshmuar se mbetën një kockëe fortë për këdo.

Kategoria e Parë, sot ora 14:00

Flamurtari-Pogradeci

Apolonia- Burreli. /Sportiim.al/