Inter fiton në ‘scadere’, bie Liverpul, Real qëndron mbi “re”
Kampionatet elitare në Europë dhuruan spektakël, surpriza dhe emocione.
Përgatiti: Sara Gjidiaj
Surpriza e parë erdhi nga Anglia ku Liverpul u mund minimalisht nga Notinghem Forest duke bërë një tjetër hap fals, ndërsa Siti nuk gaboi përballë Brajton.
Sfida më interesante e Premier League, Çelsi – Mançester Junajtid, u mbyll në një barazim dramatik. Ishte Broja që sapo hyri në fushën e lojës fitoi një 11-metërsh dhe më pas Zhorzhinjo e ktheu në gol, por në minutën e 94′-të Kasemiro riktheu në fuqi barazimin. Vlerësimi për sulmuesin shqiptar 6.5.
Në La Liga, Kadiz pësoi një humbje të thellë në shifrat 5-1 përballë Rajo Vajekanos së Ivan Balliut i cili shkaktoi autogolin për të vetmin gol për miqtë. Përveç golave të shumtë, të tillë ishin edhe kartonat e kuq. Plot 3 të tillë u akorduan në këtë sfidë, 1 për Vajekanon dhe 2 të tjerë për Kadiz.
Ndërkohë, Real Madrid para se të mundë Seviljën 3-1 u zhvillua një miniceremoni në Bernabeu teksa portieri më i mirë Kurtua dhe Topi i Artë Benzema prezantuan trofetë e fituar para publikut të bardhë.
Për të kaluar në Serie A aty ku Milan nuk lejon surprizat përballë Monzës. Kuqezinjtë e Piolit triumfuan 4-1, teksa pak orë më vonë Inter fitoi ndaj Fiorentinës në Firence 3-4.
Premier League:
Notingham – Liverpul 1-0
Everton – Kristal Palasë 3-0
Mançester Siti – Brajton 3-1
Çelsi – Mançester Junajtid 1-1
La Liga:
Rajo Vajekano – Kadiz 5-1
Real Vajadolid – Real Sociedad 1-0
Valencia – Majorka 1-2
Real Madrid – Sevilja 3-1
Serie A:
Salernitana – Specia 1-0
Milan – Monza 4-1
Fiorentina – Inter 3-4
Bundesliga:
Augsburg – Lajpcig 3-3
Bajer Leverkusen – Volfsburg 2-2
Borusia Dortmund – Shtutgart 5-0
Frajburg – Verder Bremen 2-0
Hofenhaim – Bajern Mynih 0-2
Borusia Gladbah – Eintraht Frankfurt 1-3
Ligue 1:
Montpelje – Lion 1-2
Marsejë – Lens 0-1
