Kastrioti në pragfestë, Apolonia për konsolidimin…
Kategoria e Parë, luan sot katër takime interesante. Në të dyja Grupet priten zhvillime pasi disa skuadra janë ende të interesuara për rezultate teknike.
Në Grupin A, krutanët e Ramazan Ndreut, e kanë formalitet ngjitjen në Kategori Superiore. Sot në Shijak me vendasit e Bubeqit, do ti mjaftonte barazmi për të lënë pas matematikën.Gjithnjë nëse Besëidhja fiton ndaj Korabit në shtëpi.
Grupi B sheh Apoloninë e teknikut Mergjyshi të avantazhuar ndaj rivalëve të Lushnjës dhe Pogradecit. Me 4 pikë përpara dhe një sfidë shtëpiake me Besën pa pretendime, bardhjeshilët gati të riveshin petkun e ‘superiorit’.
Ndeshjet sot, Kategoria e Parë/Play-Off:
Sot, ora 17:00 Grupi A
Erzeni-Kastrioti
Besëlidhja-Korabi
Sot, ora 17:00 Grupi B
Apolonia-Besa
Lushnja-Pogradeci
