Osmani, një “korçar” më pak te Teuta…
Pas përfundimit të aventurës në Europa League, mbrojtësi korçar Tefik Osmani i ka dhënë lamtumirën skuadrës durrsake të Teutës.
Lajmin e bën të ditur vetë klubi durrsak nëpërmjet një postimi në “Facebook”, ku falenderohet Osmani për kontributin e dhënë në radhët e Teutës, si dhe i urohet suksese në karrierën e tij.
“Tefik Osmani largohet nga Teuta. Klubi njofton se nga sot mbrojtësi ka përfunduar aventurën e tij me ekipin e Teutes. KF Teuta falënderon Osmanin për kontributin e dhënë me fanellën e Teutës në rrugën drejt Europes dhe i urojmë futbollistin të ketë shëndet dhe shumë suksese në vazhdim të karrierës së tij”, thuhet në njoftimin e klubit durrsak.
Korçari Tefik Osmani u bashkua me skuadrën durrsake të Teutës një sezon më pare. Ku bashkë me trajnerin Shkëmbi, ndihmësin Vrapi, mbrojtësit Bici e më pas edhe Arapi, krijuan një “koloni” të përvojës korçare te durrsakët.
34-vjeçari Osmani thuhet se ka arritur akordin për t’iu bashkuar bardhebluve për sezonin e ardhshëm. Më herët, mbrojtësi korçar Osmani, ka qenë pjesë skuadrës së Tiranës.
![](https://sportiim.al/wp-content/uploads/2019/07/Screenshot_2-8.jpg)