Flamurtari bie në Pukë, Korabi “zvogëlohet” në Lushnje
Kategoria e Parë, Java 19:
Tërbuni – Flamurtari 1-0
Lushnja – Korabi 3-2
Besa – Turbina 5-1
Skënderbeu – Tomori 1-0
Oriku – Besëlidhja 1-0
Burreli – Luzi 2008 1-0
Kategoria e Parë nisi vrullshëm javën e saj të 19-të me 6 sfida të zhvilluara ditën e sotme, teksa vëmendja nesër do të jetë te Dinamo – Apolonia.
Surpriza e parë vjen nga Puka ku vlonjatët e Falmurtarit u mposhtën minimalisht 1-0 duke i lënë vendin e parë Skënderbeut. Korçarët kaluan në shtëpi Tomorin në shifrat 1-0 dhe udhëheqin klasifikimin me 37 pikë.
U ndal në transfertë edhe Korabi nga Lushnja. Mes spektaklit të pesë golave vendasit triumfuan 3-2 dhe gjithashtu me poker golash, Besa e Kavajës shkatërroi Turbinën e vendeve të fundit.
Fitore minimale po me vlerën e 3 pikëve të rëndësishme morën dhe Oriku përballë Besëlidhjes dhe Burreli ndaj Luzit 2008.
Lufta për kreun është bërë mjaft interesante në Kategorinë e Parë ku emra të mëdhenj si Skënderbeu, Flamurtari dhe Dinamo janë aty për ta bërë garën akoma më të bukur.