Dy tifozë në Kili bien nga muri, humbin jetën
Dy tifozë vdiqën pranë stadiumit Monumental në Santiago të Kilit, përpara fillimit të ndeshjes së Copa Libertadores midis ekipit pritës Colo Colo dhe ekipit brazilian Fortaleza.
Prokurori publik, Françisko Morales, e raportoi këtë, duke shpjeguar se një grup tifozësh u përpoqën të hynin në Estadio Monumental përmes ‘Casa Alba’, një ndërtesë ngjitur me strukturën, dhe policia u përpoq t’i pengonte hyrjen e tyre, por një nga muret mbrojtëse ra, dhe viktimat mbetën të bllokuar poshtë. “Pasoi një rrëmujë, e cila shkaktoi shembjen e një muri”, shtoi Morales.
“Aktualisht po hetojmë për të përcaktuar nëse një automjet policie ishte i përfshirë në vdekje”, shtoi ai. Autoritetet thanë se njëri prej personave vdiq në vendngjarje dhe tjetri në një klinikë mjekësore aty pranë. Ndeshja u ndërpre më pas në minutën e 70-të (me rezultatin 0-0) për shkak të trazirave nga tifozët.
