Plas te Milani, tifozët: Ikni të gjithë
Ndryshojnë trajnerët, por jo historia e ndeshjeve. Problemi është gjithmonë aty, te Milani në fushë
Një ditë pas disfatës ndaj Bolonjës (2-1), e cila e largoi Milanin nga vendi i katërt dhe vështirësoi shumë kalimin në Champions League, zemërimi i tifozëve shpërtheu.
Një pankartë që nuk ka nevojë për shumë interpretime u shfaq nën selinë e klubit kuqezi: “Ikni të gjithë: të padenjë”, mesazhi.
Me pak fjalë, zemërimi i tifozëve nuk kursen askënd: klubi është në qendër të vëmendjes para së gjithash, por edhe trajneri dhe lojtarët. Klima mbetet mjaft e nxehtë.
