Supersfida Apolonia- Vora, nesër në Myzeqe një tjetër sfidë e fortë
Kategoria e Parë ndër më të luftuarat këto vitet e fundit luan në tri ditë javën e 12-të të edicionit të 77 të futbollit.
Skuadrat e kreut Flamurtari, Vora dhe Besa duket se do të rivalizojnë gjatë për dy vendet e para blietat që të ngjisin automatkisht në fund të edicionit në Superiore. Për vlonjatët ka mbërritur ndeshja e “Liri Ballabani”-it me Burrelin i cili i befasoi javën e parë në Vlorë duke fituar 0-1. Kjo ndeshje zhvillohet të dielën. Sikurse dhe Besa-Valbona.
Ndërkohë, nesër dy ndeshje. Në “Loni Papuçiu” të Fierit takimi Apolonia- Vora. Bardhjeshilët pas një serie pozitive u ndalën javën e kaluar në Pogradec me vendasit 1-0 ndërsa Vora, rivali i radhës i tyre vjen pas fitores minimale në Shijak me Erzenin 0-1.
Po këtë të premte në orën 14:00 sfida Lushnja- Korabi. Lagunarët u surprizuan javën e 11-të nga tropojanët e Valbonës në “Roza Haxhiu” 0-2 dhe mezi presin të përballen me dibranët e Canajt. Këta të fundit nuk po ruajnë stabilitetin e njohur në këtë kategori dhe pas humbjes me kastriotin 4-3, presin reagimin ndaj lushnjarëve.
Nesër 8 nëntor 2024
Ora 14:00
Apolonia- Vora
Lushnja- Korabi
Të shtunën:
Erzeni- Kukësi
Kastrioti- Skënderbeu
Të dielën:
Burreli-Flamurtari
Besa- Valbona/Sportiim.al/
