Xhaka në Nish, Zvicëra e shoqëruar me ushtarë
Zvicëra luan sot në Leskovac (Serbi) ndeshjen e tretë të Ligës A4 përballë Serbisë. Sfidë e vështirë të parashikohet por ajo që po qëndron në qëndër të mediave sportive është prania e Granit Xhakës në grupin helvet.
Enkas për këtë situatë media zviceriane Blick, ka raportuar për mbërritjen e kombëtares helvetike në Nish para përballjes së sotm në 20:45.
“Disa ushtarë me automatikë dhe tetë policë të tjerë – kështu pritet kombëtarja e Zvicrës në aeroportin e qytetit të tretë më të madh serb, Nishit.
Ndryshe nga zbarkimi në Beograd për ndeshjen kualifikuese të Kampionatit Europian kundër Bjellorusisë, pranverën e vitit të kaluar, në aeroport nuk ka një zonë të veçantë për yjet e kombëtares. Në fakt, delegacioni zviceran e ka të gjithë aeroportin për vete”, ka shkruar ndër të tjera Blick
