Franca shkatërron Holandën, Çekët dërrmojnë Poloninë
Franca shkatërron Holandën, Çekët dërrmojnë Poloninë
Të tjera ndeshje kualifikuese për Euro 2024 janë zhvilluar ditën e sotme. Aventura nisi sot për Grupin E, grup ku bën pjesë edhe Shqipëria.
Republika Çeke tregoi dhëmbët që në sfidën e parë përballë një kundërshtari direkt si Polonia. Dy gola të shpejtë që në minutën e parë dhe të tretë, e më pas një i fundit gjatë pjesës së dytë, u përkthyen në 3 pikë për çekët, teksa polakët u shfaqën vetëm në fund për të shënuar golin e nderit.
Barazim në përballjen tjetër të këtij grupi mes Moldavisë dhe Ishujve Faroe, teksa përballja e radhës që do të luhet të hënën mes Polonisë dhe Shqipërisë pritet të jetë mjaft interesante.
Vëmendja ishte edhe nga Grupi B ku Francë – Holandë doli disi jashtë pritshmërive. Gjelat fituan me rezultatin e thellë 4-0 falë golave të Grizman, Upamekano dhe Mbape. Nuk zhgënjeu Greqia që kaloi Gjibraltarin me rezultatin 3-0.
Sakaq, tripleta e Lukakut dërgoi Belgjikën te triumfi ndaj Suedisë në këtë ndeshje hapëse për ta në Grupin F, aty ku dhe Azerbajxhani i De Biazit u mposht 4-1 nga Austria.
Në Grupin B, Mali i Zi e nisi me një fitore minimale ndaj Bullgarisë, ndërsa Serbia nuk ndeshi vështirësi ndaj Lituanisë.
Kualifikueset, Euro 2024:
Grupi B:
Francë – Holandë 4-0
Gjibraltar – Greqi 0-3
Grupi E:
Republika Çeke – Poloni 3-1
Moldavi – Ishujt Faroe 1-1
Grupi F:
Austri – Azerbajxhan 4-1
Suedi – Belgjikë 0-3
Grupi G:
Bullgari – Mal i Zi 0-1
Serbi – Lituani 2-0/Sara Gjidiaj/
