Liverpul i shkakton humbjen shekullore Mançesterit
- Pasditja e historisë: Mançester Junajtid pëson humbjen më të thellë në 145 vite të tij.
- Mohamed Salah bëhët golashënuesi më i mirë i historisë së Liverpulit (Premier League) me 129 gola.
Sara Gjidiaj
E diela e surprizave në Premier League. Liverpul turpëron Mançester Junajtid në momentin e tij më të mirë. Plot shtatë gola për rekord pësuan djemtë e Ten Hag në sfidën e sotme të dominuar plotësisht nga të kuqtë.
Gakpo, Nunjez, Salah dhe Firminjo i shkaktuan tërmet mbrojtjes së “Djajve të Kuq” që u duk se ishte në ditën e saj më të keqe. Sakaq, ndeshja tjetër e kampionatit anglez, ajo mes Notingham dhe Everton u mbyll në barazim 2-2.
La Liga spanjolle vjen me 4 sfida të javës së 24-ët. Barcelona është rikthyer te fitorja ndaj Valencias. Shënon Rafinja, Tores gabon nga 11 metra distancë, Araujo ndëshkohet me të kuq teksa katalanasit marrin 3 pikë të tjera për t’iu larguar Realit të Madridit.
Real Vajadolid mposht Espnjolin teksa mbyllet pa gola Rajo Vajekano – Atletik Bilbao.Ndërkaq Real Betisndali 0-0 Realin duk e larguar skuadrën e Ançelotit edhe më shumë me Barçën kryesuse.
Në kampionatin italian, Inter mposhti Leçen 2-0 dhe ruan vendin e dytë i vetëm, ndërsa në 2 përballjet e tjera munguan golat. Supersfida Roma – Juventus i shkoi Romës 1-0.
Luhet dhe në Gjermani e Francë. Dy sfida në Bundesligën gjermane ku Bajer Leverkusen doli me 3 pikë ndërsa në barazim e mbyllën Volfsburg dhe Frankfurt.
Ligue 1 prodhoi fitoren e thellë 5-0 të Montpeljes ndërsa Renë – Marsejë përfundoi 0-1.
Rezultatet:
Premier League:
Notingem Forest – Everton 2-2
Liverpul – Mançester Junajtid 7-0
La Liga:
Real Vajadolid – Espanjol 2-1
Barcelona – Valencia 1-0
Rajo Vajekano – Atletik Bilbao 0-0
Real Betis – Real Madrid 0-0
Serie A:
Specia – Verona 0-0
Sampdoria – Salernitana 0-0
Inter – Leçe 2-0
Roma – Juventus 1-0
Bundesliga:
Bajer Leverkusen – Herta Berlin 4-1
Volfsburg – Eintraht Frankfurt 2-2
Ligue 1:
Trojes – Monako 2-2
Montpelje – Anxhers 5-0
Reims – Azhaksio 1-0
Starsburg – Brest 0-1
Tuluzë – Klermont 0-1
Lion – Lorient 0-0
Renë – Marsejë 0-1
