Bajern i frikshëm, Milan kalon në Verona, PSG një gol…
Mjaft interesante ishin sfidat e luajtura në kampionatet elitare ditën e sotme. Sa i përket Premier League nuk zhgënjyen Çelsi dhe Arsenal, ndërsa Liverpul u rikthye te fitorja në një sfidë të vështirë përballë Mançester Sitit. Në krye të klasifikimit mbeten “Topçinjtë”.
La Liga ndezi fundjavën me klasiken Real Madrid – Barcelona e cila u fitua nga madrilenët në shifrat 3-1. Real Madrid tashmë kryeson i vetëm tabelën e klasifikimit pas javës së 9-të.
Sakaq Serie A prodhoi shumë gola në 5 sfida të luajtura ku vetëm një prej tyre, ajo mes Lacios dhe Udinezes, u mbyll me rrjeta të paprekura. Inter fitoi pastër ndaj Salernitanës ndërsa Napoli u “kërcënua” nga Bolonja por në fund ia doli të merrte 3-pikëshin.
Në ndeshjen e sapopërfunduar, Milan fitoi minimalisht ndaj Veronës në shifrat 1-2. Jo fort e lehtë kjo sfidë për kuqezinjtë e Piolit që me një autogol të Veronës dhe me golin e Tonalit siguruan një fitore të rëndësishme.
Në Bundesligë, Bajern rikthehet te goleadat, sot shkatërroi Frajburgun 5-0.
E luftuar edhe klasikja franceze mes PSG-së dhe Marsejës ku triumfuan vendasit me golin e Nejmar, ndërsa miqtë u ndëshkuan dhe me të kuq gjatë pjesës së dytë (72′).
Rezultatet:
Premier League:
Aston Vila – Çelsi 0-2
Lids – Arsenal 0-1
Mançester Junajtid – Njukasëll 0-0
Sauthempton – Uest Hem 1-1
Liverpul – Mançester Siti 1-0
La Liga:
Celta Vigo – Real Sociedad 1-2
Real Madrid – Barcelona 3-1
Espanjol – Real Vajadolid 1-0
Real Betis – Almeria 3-1 (në kohë reale)
Serie A:
Inter – Salernitana 2-0
Lacio – Udineze 0-0
Specia – Kremoneze 2-2
Napoli – Bolonja 3-2
Verona – Milan 1-2
Bundesliga:
Këln – Augsburg 3-2
Union Berlin – Borusia Dortmund 2-0
Bajern Mynih – Frajburg 5-0
Ligue 1:
Tuluzë – Anxhers 3-2
Auxerre – Nicë 1-1
Nantes – Brest 4-1
Renës – Lion 3-2
Trojes – Azhaksio 1-1
Monako – Klermont 1-1
PSG – Marsejë 1-0/Sara Gjidiaj/
