Bien milanezet, Madridi ka mbretin Real
Përgatiti: Sara Gjidiaj
Në Ligue1 Mesi i jep tri pikë PSG-së, Arsenal nuk di të ndalet…
Derbi madrilen shkon për kampionët në fuqi të La Liga-s. Real Madrid nuk njeh humbje dhe rrëmben një tjetër fitore me peshë ndaj Atletiko Madridit.
Nervozizëm, rivalitet, gola dhe karton i kuq në një sfidë të luftuar më “Metropolitano”. Dy golat për Realin që të dy për kopertinë, u shënuan në pjesën e parë nga Rodrigo dhe Valverde. Miqtë kishin gjithçka në administrim deri në minutën e 83′-të kur Hermoso rihap llogaritë pasi atij goli me sup.
Gjithësesi vetëm ‘alarm’ i rremë nga Atletiko Madrid pasi deri në fund mbetet në fuqi rezultati 1-2-, ndërsa Hermoso ndëshkohet me kartonin e dytë të verdhë dhe lë fushën e lojës në minutat shtesë.
Në Seria A java e 7-të mbyllet me befasi. E para vjen nga Udine ku vendasit mposhtin Interin 3-1. Zikaltërit e Inzagit zhgënjejnë me lojën e tyre, ashtu si dhe bardhezinjtë e Juventusit të cilët humbin minimalisht përballjen ndaj Monzës me Di Marian të ndëshkuar me të kuq gjatë fundit të pjesës së parë.
Sakaq, Atalanta i rrëmbeu 3-pikëshin Romës me golin e Skalvinit që rezultoi vendimtar. Zhoze Murinjo nuk shmang dot kartonin e kuq në këtë sfidë jo pak delikate.
Supersfida Milan – Napoli përmbylli xhiron e 7-të të kampionatit elitar në Apenine. Përballja e luftuar mes dy skuadrave që synonin kreun, përfundoi me fitoren e Napolit 1-2. Edhe pse Zhiru rihapi llogaritë për kuqezinjtë, Simeone mendoi dhe veproi për t’i dhënë fitoren napolitanëve.
Rezultatet:
Premier League:
Brentford – Arsenal 0-3
Everton – Uest Hem 1-0
La Liga:
Osasuna – Getafe 0-2
Vijareal – Sevilja 1-1
Real Betis – Xhirona 2-1
Real Sociedad – Espanjol 2-1
Atletiko Madrid – Real Madrid 1-2
Serie A:
Udineze – Inter 3-1
Kremoneze – Lacio 0-4
Fiorentina – Verona 2-0
Monza – Juventus 1-0
Roma – Atalanta 0-1
Milan – Napoli 1-2
Bundesliga:
Union Berlin – Volfsburg 2-0
Bohum – Këln 1-1
Hofenhaim – Frajburg 0-0
Ligue 1:
Reims – Monako 0-3
Brest – Azhaksio 0-1
Klermont – Trojes 1-3
Marsejë – Renës 1-1
Nicë – Anxhers 0-1
Nantes – Lens 0-0
Lion – PSG 0-1
