Erzeni shton radhët, vjen Iljazi
Një mbrojtës shqiptar i Maqedonisë së Veriut i bashkohet skuadrës së teknikut Xhevahir Kapllani.
Një tjetër përforcim te Erzeni i Shijakut. Këtë radhë me skuadrën që u ngjit në Superiore në fund të edicionit të kaluar është bashkuar ish-mbrojtësi i Shkupit Ardit Iljazi.
Mbrojtësi 22-vjeçar do të luajë për herë të parë në Shqipëri, ndërsa më parë ka qenë pjesë e Gostivarit dhe Shkupit në kampionatin fqinj.
Futbollisti u bashkua me skuadrën e Shkupit në 2019-ën, ndërsa luajti me kampionët e Maqedonisë së Veriut deri këtë verë kur i përfundoi kontrata.
Iljazi vjen te Erzeni me parametra zero duke u bërë lojtari i 13-të te skuadra debutuese e këtij sezoni që nis më 20 gusht.
Të afruarit te Erzeni:
Dashamir Xhika, Gëzim Krasniqi, Klevis Hasanbelli, Ardit Peposhi, Fernando Armando dos Santos, Adnard Mehmeti, Enbija Shehu, Progon Maloku, Drilon Kryeziu, Amir Kahrimanoviç, Elis Doksani, Abjel Bejzade,Ardit Iljazi;/Sportiim.al/