Palermo ‘rrëmben’ pronarët e Sitit
Palermo u ngjit në Seria B por së shpejti mund të kapercejë atje ku për dekada të tëra i ka dhënë tonin futbollit në Seria A.
Sipas La Gazzetta dello Sport, shumë shpejt pritet që klubi jugor i Italisë të kalojë në pronësi të City Football Group, një shoqëri biznesi anglo-arabe aktualisht në krye të Mançester Sitit (por jo vetëm).
City pritet të mbajë 80% të aksioneve, ndërsa 20 të tjerat do të jenë ende në duart e Dario Mirrit, i cili do të vazhdojë të jetë presidenti i klubit me detyrën për të vepruar si ndërmjetës me institucionet dhe terrenin.
Ndërkaq “dhjetë milionë euro është buxheti që pronari i ri do të japë për pagat totale (bruto).
Për tu parë se si do të rrjedhin situatat në merkato. Nëse klubi dhe pronarët e rinj do të tentojnë ngjitjen që këtë edicion në A apo vitin tjetër. /Sportiim.al/