Sport dhe edukim, Tirana merr nismën e veçantë
Tirana shembull për tu ndjekur në fushë teksa kryeson Superioren dhe është shumë pranë titullit të 26-të por klubi kryeqytetas hedh hapin e radhës për të ndërthurur sportin me edukimin.
Në një postim të klubit bardheblu mësohen detajet e kësaj nisme.
Postimi:
Klubi i Futbollit Tirana dhe Akademia e Futbollit Tirana ndërmori sot hapin e parë drejt nismës së rëndësishme të ndërthurjes së sportit dhe edukimit.
Kjo nismë ka për qëlim injektimit e edukimit fizik dhe dashurisë së sporteve në moshat e vogla. Duke filluar qe nga kopshtet e për të vazhduar më tej tek shkollat nëntë vjecare dhe ato të mesme ku kryesorja është rritja e deshirës sportive tek të vegjëlit. Aty ku është e ardhmja e futbollit por dhe e tifozerisë.
KF Tirana nëpërmjet kësaj nisme, e para ne llojin e saj në Shqipëri, fton të gjitha klubet dhe të gjitha sportet të ndihmojnë në rritjen e frymës sociale tek këta të vegjël që me fanatizëm ruajnë brenda tyre dashurinë për futbollin. T’u japim shansin të prekin më nga afër idhujt e tyre duke i treguar se KF Tirana dhe futbolli shqiptar i mirëpret gjithmonë ata. Ky është vetëm fillimi!
