UEFA anulon finalen e Rusisë, finalja e Champions në Paris
Ashtu siç dhe ishte parashikuar, sot UEFA u mblodh për ti dhënë drejtim kompeticionëve të saj. Aty ku përfshihet Rusia e cila nga dje sulmoi ushtarakishit Ukrainiën.
Më poshtë deklarata zyrtare me vendimin e UEFA-s për zhvendosjen e finales së Ligës së Kampionëve nga Shën Petersburg në Paris: “Komiteti Ekzekutiv i UEFA-s mbajti sot një mbledhje të jashtëzakonshme pas përshkallëzimit të rëndë të situatës së sigurisë në Evropë.
Komiteti Ekzekutiv i UEFA-s ka vendosur të transferojë finalen e Ligës së Kampionëve të UEFA-s për meshkuj 2021/22 nga Shën Petersburg në Stade de France në Saint-Denis. Ndeshja do të luhet siç ishte planifikuar fillimisht të shtunën më 28 maj në orën 21:00 CET.
UEFA dëshiron të shprehë falënderimet dhe vlerësimin e saj për Presidentin e Republikës Franceze Emmanuel Macron për mbështetjen dhe angazhimin e tij personal për transferimin e ndeshjes më prestigjioze në futbollin evropian të klubeve në Francë në një kohë krize të paprecedentë. Së bashku me qeverinë franceze, UEFA do të mbështesë plotësisht përpjekjet e shumë palëve për të siguruar lehtësim për futbollistët dhe familjet e tyre në Ukrainë, të cilët përballen me vuajtje të tmerrshme njerëzore, shkatërrime dhe zhvendosje.
Në mbledhjen e sotme, Komiteti Ekzekutiv i UEFA-s vendosi gjithashtu që klubet dhe ekipet kombëtare ruse dhe ukrainase që garojnë në garat e UEFA-s do të duhet të luajnëndeshjet e tyre në vende neutrale deri në njoftimin e mëtejshëm.
