Nisin inferiorët, dy ndeshje të shtyra
Kategoria e Parë zbret sot në fushë për herë të parë në 2022 me 6 takime. Arsyeja e thjeshtë. Në Peshkopi dhe Pogradec, dëbora pengon ndërsa Korabi- Tomori dhe Pogradeci- Butrinti shtyhen për një datë tjetër.
Ndërkaq në Ballsh skuadra që kryeson që nga java e parë e deri tani, do të presë Besëlidhjen e Lezhës. Te Bylis merkato ka pikasur së fundi lojtarët Rafael Barbosa e Oltion Harremi (portier) ndërsa të premten klubi zyrtarizoi edhe brazilianin Zhoao Ananias.
Sakaq, Erzeni- Apolonia në program për tu luajtur në ‘Tofik Jashari’, një tjetër sfidë me emra sugjestionues.
Vora- Shkumbini në Pezë, Burreli- Tërbuni, Lushnja- maliqi dhe Turbina- Besa, takimet e tjera të javës së 16-të në program sot duke nisur në orën 13:30.
Java e 16-të Kategori e Parë
Ora 13:30
Bylis- Besëlidhja
Erzeni-Apolonia
Vora- Shkumbini (në Pezë)
Burreli- Tërbuni
Lushnja- Maliqi
Turbina- Besa /Sportim.al/