Teuta me dy mungesa, ndaj Laçit për kthesën
Teuta në vështirësi. Pikët nuk lejojnë të flitet me superlativa për kampionën në fuqi e cila nesër në Rrogozhinë do të ndeshet me kurbinasit e teknikut Mirel Josa.
Durrsakët vijnë nga tri humbje radhazi dhe në rastin kur impianti i tyre në rikonstruksion, do ta mbajë larg skuadrën dhe për më shumë se një muaj, e zbeh ndjeshëm objektivin minimal të tyre që duket se është europa.
Ndërkaq, te kampi i Martinit, ndonëse ritmi stervitor gjatë javës ka rezultuar i kënaqshëm, Xhekson mbetet jashtë (dëmtim) ndërsa qëndërmbrojtësi Ivanoviç, do të jetë në pikëpyetje të plotë.
Sigurisht në Durrës besojnë se kthesa pas asaj humbjeje shokuese javën e kaluar me krutanët, përkthehet në detyrim imediat. Paçka se përballë do të kenë Laçin me të cilin ka patur shumë vështirësi në vitet e fundit.