Akti i fundit në grupet e Europës, finale në Split
Sot nis turi i fundit i ndeshjeve në grupe për zonën europiane për Botërorin ‘Katar 2022’. Dhe që në fillim një superfinale në Split aty ku Kroaci- Rusi, Grupi H, merr përmasat e një beteje të vërtetë sportive.
Kroatët dy pikë më pak se rusët, i’u duhet vetëm fitorja për të shkuar direkt në Botëror. Në ndeshjën e orës 15:00, do gjykojë holandezi Deni Makeile.
Te Grupi J, Gjermania e ka marrë biletën e parë por Maqedonia e Veriut do duhet të mundë po sot Islandën në Shkup për të lënë prapa Rumaninë që ndjek e shkuar në fazën play off.
Ndërkaq një finale tjetër te Grupi A. Në Da Luz të Benfikës, sfida ndërmjet Portugalisë dhe Serbisë. Luzitanëve do ju mjaftone edhe barazimi për të qënë ata bileta e parë e grupit. Aktualisht skuadrat kanë nga 17 pikë por golevarazhi shkon ë favor të vendasëve.
Situatë e njëjtë në Spanjë -Suedi në program në Kartujë (Sevilje). Feliks Bryzh është ngarkuar të mbaj drejtësi në një sfidë aq impenjative. Spanjës së Enrikes i mjafton të mos humbë për të mbyllur llogaritë me kreun e Grupit B. Në këtë grup, Kosova luan sot për krenari në Athinë me Greqinë.
Programi për sot:
15:00
Kroaci- Rusi
Maltë- Sllovaki
Slloveni- Qipro
18:00
Armeni- Gjermani
Lietenshtejn-Rumani
Maqedoni e Veriut- Islandë
21:45
Portugali- Serbi
Luksemburg- Irlandë
Greqi- Kosovë
Spanjë- Suedi /Sportiim.al/