Banjaia nuk lëshon, niset i pari në San Marino
Pesë gara nga fundi, Botërori i MotoGP ngërthehet nga emocione të mëdha.
Në provat zyrtare të MotoGP në Mizano të San Marinos kemi një pol position të ri për Françesco Banjaia. Piloti i Ducatit regjistroi kohën 1: 31.065 duke lënë prapa shokun e skuadrës Xhek Miler.
Grila e parë mbyllet me kryesuesn e Botërorit Fabio Kuartararo i cili, në përpjekjen e fundit, rrëshqet. Kështu kemi katër Ducati në pesë pozicionet e para, me vendin e katërt të arrirë nga Horge Martin dhe të pestin nga Joahn Zarco. Pol Espargaro me Honda mbyll radhën e dytë.
Në vijën e tretë Mark Markez, i cili gjithashtu u rrëzua gjatë kualifikueseve. Honda do të ketë Aleks Espargaro. Aleix me Aprilia, me Alex Rins duke filluar nga vendi i nëntë. Vetëm i dhjeti, megjithatë, Maverik Vinjales, përpara kampionit në fuqi Joan Mir dhe Enea Bastianinit.
Numri 46 i Yamaha, Valentino Rosi i parafundit. Përpara ‘Doktorit’ do të jetë Danilo Petruçi, ndërsa pak më lart Luka Marini dhe Franko Morbideli.
Ndërkaq, kampionati kryesohet nga Kuartararo me 214 pikë. Ndjek fituesi i Çmimit të Madh të javës së kaluar Banjaia me 161 pikë.
Radha e nisjes, të dielën në 14:00 në Mizano.