Shehi: Tirana minimalisht në Europë

Klubi më i titulluar në vend ka rinovuar thuajse gjysmën e grupit. Trajneri beson se Tirana ka kapacitete për të synuar trofe

Trajneri i Tiranës Orges Shehi i qëndron traditës teksa në vigjilje të ndeshjes së parë sezonale me Skënderbeun, ka dalë para mediave për të kprezantuar Tiranën e tij të re dhe disa nga risitë e bardhebluve.

Durrsaku foli dhe VAR-in që do aplikohet për herë të parë në futbollin shqiptar dhe objektivat. Për korçarët me të cilët shkroi një pjesë të historisë sportive si portier thotë se nuk do të jetë aspak e lehtë.

Shehi:

Nis sezoni…Nuk është njësoj të marrësh skuadrën në fillim të kampionatit dhe në mes të kampionatit. Kemi pasur kohë të mjaftueshme, kemi zhvilluar shumë fazë përgatitore, jemi munduar të jemi gati për nesër. Kemi bërë një merkato të mirë, kemi lojtarë me shumë ambicie dhe të rinj në skuadër për të arritur objektivat tanë. Gjendja është e mirë, Bekaj është mirë, doli negativ në testet e COVID-19.

Rivalët? “Të gjitha skuadrat janë të forta, duhet të bëjmë maksimumin. Janë bashkuar skuadra si Dinamo që dihet historia e tyre, por edhe këtë vit është e fortë, edhe Egnatia gjithashtu. Do të jetë një kampionat me shumë rivalitet. Ne jemi tek klubi më i titulluar në vend, objektivi është i qartë minimumi është Europa. Është riformatuar skuadra, kanë ikur shumë lojtarë cilësor që do të bënin mirë me çdo skuadër, por kemi marrë lojtarë që kanë shumë cilësi dhe koha do ta vërtetojë nëse do të jenë njësoj si ata që u larguan”.

VAR? “Normalisht që VAR-i është një teknologji që të ndihmon, por nuk zhduk asgjë. Ka dhe disa gjëra që VAR-i nuk i ndan. Për ne është një risi, sepse do të ketë ndalesa në lojë që do të duhet të mësohemi, do të ketë raste që do të gëzohemi dhe hidhërohemi sigurisht sepse mund të na heqi një gol. Fillimi është pak i vështirë sepse do të duhemi të mësohemi.

Kryeqyteti ka tre skuadra që ka shumë tituj në kurriz. Kryeqyteti është baza dhe do të ketë shumë derbi, të treja janë me petkun e pretendentit. Do të shihet se kë do të shigjetojnë trajnerët e tjerë, por unë do të shigjetoj skuadrën që do të luaj ndeshjen e radhës.”

Tifozët? “Dihet që çfarë peshe ka tifozeria në skuadrën tonë, është një plus i madh për ne. Shpresojmë që të bëjmë sa më mirë dhe maksimumin edhe për ta që t’i kënaqim, me lojën me pretendentin edhe me një Tiranë që të jetë gjithmonë në majë”.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!