Franca shpall listën, mungon Zhiru
Për herë të parë në ekipin kombëtar milanisti Teo Hernandez dhe lojtari i Romës Jordan Veretout. Zhiru mbyll me ‘Gjelat’.
Trajneri Didier Deshamps ka publikuar sot listën e lojtarëve të përzgjedhur prej tij në kombëtaren e Francës, të cilët do të angazhohen në tri ndeshjet e shtatorit për eliminatoret e botërorit “Katar 2022”.
Ajo që bën përshtypje është fakti, se duket rikthimi i Benzema në kombëtaren franceze, ka ngushtuar hapësirat për sulmuesin 34-vjeçar Olivier Zhiru, i cili për herë të parë pas 10 vitesh nuk ftohet në përfaqësuesen e “gjelave”.
Listës së sulmuesve për ndeshjet e shtatorit bëjnë pjesë Benzema, Koman, Griezman, Lemar, Marsial, Mbape dhe Diabi. Për ndeshjet ndaj Bosnjes, Ukrainës dhe Finlandës, mungon sulmuesi milanist Zhiru, i cili është edhe golashënuesi i dytë më i mirë i Francës me 46 gola të shënuar, pas Thierri Henri që mban rekordin me 51 gola.
