Kukësi vijon përgatitoret sllovene
Në vigjilje të sezonit të 83 të Kategorisë Superiore, skuadra e Kukësit nën drejtimin e Diego Longos po kryen stërvitje intensive në Slloveni.
Ditët sllovene në kushte optimale dhe me dy seanca në ditë. Kukësi i cili nga ky sezon është pajisur me 20 GPS të firmës italiane LagalaColli duket se kërkon të imponohet si klub i mirëfilltë europian.
Ndërkaq pas fitores në miqësore me Al Duhail 2-1, te Kukësi shprehen se do të ketë të tjera miqësore. Sakaq, paralelisht me përgatitjet klubi verilindor po ecën me shpejtësi edhe për të bërë gati ‘Zeqir Ymerin’ e ri.
Në klub janë të bindur se pritja ka marrë fund dhe se pas tri sezonëve larg shtëpise më në fund kuksianët do mund të ndekin nga afër benjaminët e tyre.
Futbollistët Edison Ndreca Ardit Hila, Klejdi Daci, Edi Basha, Alija Kërniç, Kreshnik Bahtiri, Donald Rapo, Vitor Da Silva Feijao, Shqiprim Taipi, Pablo De Lukas, Jurgen Dushkaj, Eogen Sula, janë afrimet e Pero Pejiç dhe stafit kuksian deri më tani.