Murinjo nis nga Turqia

Konferenca për shtyp e Hoze Murinjos e para para një ndeshje zyrtare që kur mori timonin e Romës vjen nga Turqia.

Roma do të luajë nesër në fazën play off të Ligës së Konferencës dhe skuadra italiane në këtë takim do të ndeshet me Trabzonspor.

Tekniku portugez foli ndër të tjera:

Çfarë fsheh kjo garë?
“Për të qenë i drejtpërdrejtë: nuk duket si një play -off i Konferencës. Njerëzit menduan dhe thanë se do të ishte një garë pa skuadrat kryesore, por nëse e shohim këtë raund duket si një lojë e Ligës së Kampionëve. Më vjen keq që të enjten tjetër njëra nga dy skuadrat do të jetë jashtë sepse mund t’i japë një plus turneut ”.

Në të kaluarën gjithmonë keni trajnuar sulmues të mëdhenj. Me punën tuaj a mund të bëhen ata që keni si Lukaku apo Kejn?
“Të parashikosh është gjithmonë i vështirë, veçanërisht kur e bëjmë me njerëz që e kanë bërë atë të shkëlqyeshëm. Në fakt është tendenca jonë, por është e rrezikshme. Nëse i shohim tre sulmuesit tanë ata janë të gjithë të ndryshëm, por të gjithë janë të mirë. Mund të luajnë dy në të njëjtën kohë dhe unë jam super i lumtur.

Nuk dua ta fsheh që kur morëm Shomurodovin isha i qetë. Kur filluam të flisnim për lamtumirën e Xhekos ndjeva shqetësim , por Tiago dhe pronarët e kanë zgjidhur situatën në një mënyrë fantastike.

Abraham nuk e ka historinë e Edinit që është 35 vjeç, por Tammy ka fituar gjithçka. Nga Premier në Ligën e Kampionëve, por ai është ende i ri dhe ka potencial të madh. Nuk mund t’i krahasojmë sulmuesit tanë me Ronaldon, Giroud ose Edin, por ne jemi të sigurt për cilësinë e tyre”.