Laçi dinjitoz, Lushkja gol Anderlehtit
Conference League: Anderleht- Laçi 2-1 (3-0 e vajtjes) Amazu 32′, Versharen 71’/ Lushkja 84′
Nëse ka një skuadër shqiptare që po kujton Skënderbeun e viteve të arta në Europë, ky deomos që është Laçi i Kurbinit.
Edhe pse humbi sërish përballë Anderleht (e vajtjes 0-3 luajtur në ‘Elbasan Arena’) sot me shifrat 2-1, në duelin e mbrëmjes luajtur në “Lotto Park” të Brukselit, bardhezinjtë e Shpëtim Duros u shfaqen më shumë se dinjitozë.
Mungesa e Mazrekajt dhe dilemat për mungesën e Ardit Deliut shoqëruan këtë takim i cili në pjesën e parë u kontrolllua dhe kryesua nga Anderleht. Në fraksionin e dytë, kurbinasit treguan se kanë potenciale të mëdha për të përballuar edhe klube me histori në Europë.
Mbajtja e topit me 52%, ndaj një gjigandi të tillë, tejet pozitive.
Ndërkaq, goli i Regi Lushkjes në të 84′, ishte bukuria e këtij ballfaqimi të dyfishtë kontinenal. Laçi del me kokën lart nga kompeticioni i Conference League./Sporti im.al/