Shkëndija, kampione e Maqedonisë së Veriut
Vjen titulli i 4 në histori për ekipin tetovar. Ernest Gjoka fiton për herë të dytë një trofe të tillë si trajner (Kukësi, Shkëndija). ‘Ballistët’ nisin festën…
Shkëndija e Tetovës me trajner tiranasin Ernest Gjoka, shpallet kampion i kampionatit elitar në Maqedoni të Veriut. Skuadra tetovare prej javësh ishte në kërkim të sigurimit matematikor por trofeu për kuqezinjtë nga Maqedonia e Veriut ka ardhur vetëm sot pas javës së 29-të.
Kështu 4 javë nga fundi, Shkëndija realizon ëndrrën në këtë vit pandemik duke siguruar titullin kampion. Ndërkaq që dje grupimi ballistët’ ka njoftuar në rrjete se do të presë fundin e ndeshjes së sotme ndaj Borecit për të hapur “shampanjën”.
Në fitoren e sotme, shënuan Murati, Ibrahimi dhe shkodrani Rubin Hebaj. Sakaq, te sfida e fituar ndaj Makedonija GP nga Struga 2-3, golin e parë dhe të tretë i shënoi ish- sulmuesi i Laçit, Altinparmakovski me penallti.
Rezultatet Sot: java 29.
Shkëndija- Borec 3-1
Makedonija GP -Struga 2-3
Pelister- Renova 1-0
Vardar Shkup-Belasica 1-0
Shkupi-Rabotniçki 2-0