Finalja e Kupës së Mbretit 2021, pa tifozë
Pas klasikes me Realin, Barcelona luan finalen e Kupës së Mbretit (2021) ndaj Bilbaos në Sevilje.
Në Spanjë nuk bëjnë dot përpara. Sikundër të shtunën teksa u luajt finalja e edicionit 2020 fituar nga Real Sociedad 1-0 ndaj Bilbaos për Kupën e Mbretit edhe ‘Copa del Rey 2021’, midis Barcelonës dhe Atletik Bilbaos, do të luhet sërish me dyer të mbyllura.
Federata Spanjolle (RFEF) konfirmoi vendimin e saj, duke i dhënë fund spekulimeve rreth mundësisë së një hapje të pjesshme për publikun. Ndeshja do të luhet në Stadiumin Olimpik në Sevilje të shtunën 17 Prill.