Mbape trullos Bajernin mes acarit
Mungesa e Levandovskit u ndie në sulm, polaku nuk do të jetë as në të kthimit në Paris
Bajern Mynih-PSG 2-3 (Çupo-Moting 37′,Myler 60’/ Mbape 3, 68′, Markinjos 26′)
PSG ‘ngrin’ në Mynihun e zbardhur nga dëbora vendasit e Bajernit të Mynihut. Ndeshja e vajtjes për çerekefinalet e Ligës së Kampionëve, nisi me evidentimin e dyshes franceze Nejmar-Mbape me sulmuesin kampion bote me Francën që shënon pa u mbushur 3 minuta lojë. Kur pritej barazimi, skuadra e Poçetinos godet për herë të dytë me kapitenin Markinjos për 0-2.
Bavarezët e shokuar ia dalin të hapin takimin ndërsa me Çupo-Moting shënojnë një gol të bukur në të 37′. Pjesa e dytë nis me vrullin e radhës së Bajernit e cila barazon në të 60′ me Myler.
Por sërish është sulmuesi 22 vjeçar Kilien Mbape teksa regjistron golin e dytë personal dhe të tretin për PSG në të 68-ën.Minutat e fundit janë duel i ashpër mes sulmit bavarez dhe mbrojtjes pariziene.
Porto-Çelsi 0-2 (Mount 32′, Çilluell 85′)
Në Spanjë në stadiumin e Seviljes, Porto mundet thjeshtë nga Çelsi në ndeshjen tjetër. Ishte Mont teksa në të 32-tën shënon golin e parë për blutë e teknikut Tomas Tuhel.Anglezët ia dalin të shënojnë edhe golin e dytë në fund të ndeshjes duke u afruar ndjeshëm me kualifikimin për në gjysmëfinale.
