Rikthehet Abrashi, Bazeli shkarkon Sforzën
Rikthimi i Amir Abrashit në fushë me Bazelin, pas atij dëmtimi të gjatë, nuk ka sjellë dhe aq fat. Skuadra e famshme zviceriane është mundur në shtëpi nga vendi i fundit duke komplikuar të ardhmen në kompeticionin europian.
Dhe menjëherë masa ndëshkuese nga klubi.
Çiriako Sforza nuk është më trajneri i Bazelit. Vendimi i marrë nga klubi vjen pas nokautit të bujshëm në shtëpi kundër Vaduzit, i cili ishte në pozicionin e fundit para ndeshjes.
Me nëntë javë nga fundi, Bazeli i Abrashit dhe Zhegrovës, renditet i pesti. Si kurrë më parë në dekadën e fundit. Menaxhimi teknik i është besuar përkohësisht Patrik Rahmen, i cili do të drejtojë ekipin deri në fund të sezonit.