Partizani e Teuta, ndalën nga ‘frika’
Kategoria Superiore java e 25:
Partizani- Teuta 0-0
Pas hapit fals të Laçit ndërsa u mund në shtëpi nga Tirana 1-2 pritej që Partizani-Teuta të ishte një ndeshje me një fitues në fund. Kjo nuk ngjau sot në 16:00 në Elbasan Arena dhe si Partizani ashtu dhe Teuta u mjaftuan me nga një pikë.
Një duel i luftuar por që në vetvete mbartëte brenda edhe frikën. Pak hapësira e raste, dhe në fund 0-0.
Ndonëse në pjesën e parë Partizani u duk më kërkues në të dytën Teuta dy herë me Vilën dhe Krasniqin ishte shumë pranë golit. Sikundër dhe Jasir Asani, Çinari e Bardhi në kahun tjetër teksa iu afruan disa herë zonës së Frashërit.