Fundi i ‘Vllaznisë’, Kukësi jashtë pretendentëve
Vllaznia- Bylis 1-2 (Dilaver 14’/ Spahiu 75′, Bejl 90+3′)
Vllaznia nuk ka këllqe për të kaluar rivalin e radhës dhe me gjasë pas humbjes së sotme me Bylis 1-2, ka vënë në pikëpyetje jo vetëm kreun por dhe zonën europiane.
Pas një goli të shënuar me fat nga Dilaver në start të ndeshjes, u duk se Vllaznia do ta kishte të lehtë fitoren por më vonë skuadra e Dovedan nisi të kërkojë me insistim barazimin.
Me një Edison Ndreca në superformë e asistues, Ntepe e Antoni Bejl por dhe me një Hyseni që futet në fushë dhe shënon, mallakastriotët ia dalin të marrin tri pikë e kërcënuar edhe Kastriotin në luftë për mbjetesë (22-28).
Kukësi-Apolonia 1-1 (Ibraimi pen 45’/ Gjata 85′)
Kukësi duket se i ka dhënë fund shpresave për të kapur europën nga kampionati. Sot ndaj Apolonisë edhe pse luajti me më shumë se një pjesë loje me një lojtarë më pak (karton i kuq Bytyqi) arriti përmes një penalltie të shndërruar në gol nga Ibraimi të mbyllë pjesën e parë përpara.
Në pjesën e dytë bardhejeshilët shtojnë ritmin dhe i afrohen disa herë kuadratit të mbrojtur nga Xhika. Për të ardhur në të 85-ën kur Mario Gjata barazoi shifrat për 1-1 final.
